---
title: "മണത്തണ പഴശ്ശി ടൗൺ സ്ക്വയർ വാടകക്കരാർ; വിജിലൻസ് അന്വേഷണത്തിന് മന്ത്രിയുടെ ഉത്തരവ്"
english_title: "Pazhassi Town Square Rent Scam: Kerala Home Minister Orders Vigilance Probe"
publisher: "malayorashabdam.in"
canonical_url: "https://malayorashabdam.truevisionnews.com/news/375331/pazhassi-town-square-rent-scam-vigilance-probe-kerala"
published_at: "2026-07-29T15:04:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a69c938298da_re.jpeg"
keywords: ["Pazhassi Town Square", "Manathana", "Ramesh Chennithala", "Vigilance"]
---

# മണത്തണ പഴശ്ശി ടൗൺ സ്ക്വയർ വാടകക്കരാർ; വിജിലൻസ് അന്വേഷണത്തിന് മന്ത്രിയുടെ ഉത്തരവ്

> **Lead Summary:** **പേരാവൂർ: **മണത്തണ പഴശ്ശി ടൗൺ സ്ക്വയർ വാടകയ്ക്ക് നൽകിയതിൽ അഴിമതി ആരോപണം. വിജിലൻസ് അന്വേഷണത്തിന് ആഭ്യന്തരമന്ത്രി രമേശ് ചെന്നിത്തല ഉത്തരവിട്ടു. പേരാവൂർ ബ്ലോക്ക് പഞ്ചായത്ത് വൈസ് പ്രസിഡന്റ് ബൈജു വർഗീസ് നൽകിയ പരാതിയിലാണ് നടപടി.

## Article Content

**പേരാവൂർ: **മണത്തണ പഴശ്ശി ടൗൺ സ്ക്വയർ വാടകയ്ക്ക് നൽകിയതിൽ അഴിമതി ആരോപണം. വിജിലൻസ് അന്വേഷണത്തിന് ആഭ്യന്തരമന്ത്രി രമേശ് ചെന്നിത്തല ഉത്തരവിട്ടു. പേരാവൂർ ബ്ലോക്ക് പഞ്ചായത്ത് വൈസ് പ്രസിഡന്റ് ബൈജു വർഗീസ് നൽകിയ പരാതിയിലാണ് നടപടി.

പരാതിയിലെ പ്രധാന ആരോപണങ്ങൾ:

1. പൊതുമേഖലാ സ്ഥാപനമായ പഴശ്ശി ടൗൺ സ്ക്വയർ വിപണി വിലയേക്കാൾ കുറഞ്ഞ നിരക്കിൽ രഹസ്യമായി വാടകയ്ക്ക് നൽകി

2. ടെൻഡറോ പൊതുകോട്ടേഷനോ ക്ഷണിച്ചില്ല, പൊതുജനങ്ങളെ അറിയിച്ചില്ല

3. 8 വർഷം മുമ്പ് പ്രതിമാസം ₹11,500 + GST ഉണ്ടായിരുന്ന വാടക LDF സർക്കാർ കാലാവധി അവസാനിക്കുന്നതിന് തൊട്ടുമുമ്പ് ₹1,500 ആക്കി കുറച്ചു

4. സിപിഎമ്മിന്റെ പ്രമുഖ നേതാവിന് കരാർ നൽകിയതായി ആരോപണം

5. ടൂറിസം ഡെപ്യൂട്ടി ഡയറക്ടർ, ഡി.ടി.പി.സി. ഉദ്യോഗസ്ഥർക്ക് പങ്കുണ്ടെന്നും സർക്കാരിന് വലിയ സാമ്പത്തിക നഷ്ടമുണ്ടായെന്നും പരാതി

വിദാദ കരാർ റദ്ദാക്കണമെന്നും ഉത്തരവാദികൾക്കെതിരെ അഴിമതി നിരോധന നിയമപ്രകാരം കേസെടുക്കണമെന്നും പരാതിയിൽ ആവശ്യപ്പെടുന്നു. നിർമ്മാണ ഘട്ടത്തിൽ പദ്ധതിക്കെതിരെ പ്രതിഷേധിച്ചവർ തന്നെയാണ് പിന്നീട് കുറഞ്ഞ വാടകയ്ക്ക് സ്ഥാപനം കൈവശപ്പെടുത്തിയതെന്നും ഇത് പൊതുജനങ്ങളോടുള്ള വഞ്ചനയാണെന്നും ബൈജു വർഗീസ് ആരോപിച്ചു.

ഇതേ വിഷയത്തിൽ ജില്ലാ കോൺഗ്രസ് കമ്മിറ്റി അംഗം ചോടത്ത് ഹരിദാസൻ ജില്ലാ കലക്ടർക്ക് നൽകിയ പരാതിയിൽ വകുപ്പുതല അന്വേഷണം നടക്കുന്നുണ്ട്. വിഷയം ശ്രദ്ധയിൽപ്പെട്ട ടൂറിസം മന്ത്രി പി.സി. വിഷ്ണുനാഥ് ടൂറിസം സെക്രട്ടറിയോട് ഉടൻ അന്വേഷിച്ച് റിപ്പോർട്ട് നൽകാൻ ആവശ്യപ്പെട്ടിട്ടുണ്ട്.

### Related Links & Sources
- [Original Story Source](https://malayorashabdam.truevisionnews.com/news/375331/pazhassi-town-square-rent-scam-vigilance-probe-kerala)