---
title: "സംസ്ഥാനത്ത് അതിശക്ത മഴ; 10 ജില്ലകളിൽ ഓറഞ്ച് അലർട്ട്, കെടുതിയിൽ മരണം 10 ആയി"
english_title: "Heavy Rain Continues in Kerala: Orange Alert in 10 Districts, Death Toll Rises to 10"
publisher: "malayorashabdam.in"
canonical_url: "https://malayorashabdam.truevisionnews.com/news/376179/kerala-rain-orange-alert-10-districts-death-toll-10-ranni-floodp"
published_at: "2026-08-02T14:05:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a6f019508503_1000225120.jpg"
keywords: ["Orange Alert", "Disaster Relief", "Landslide"]
---

# സംസ്ഥാനത്ത് അതിശക്ത മഴ; 10 ജില്ലകളിൽ ഓറഞ്ച് അലർട്ട്, കെടുതിയിൽ മരണം 10 ആയി

> **Lead Summary:** **തിരുവനന്തപുരം: **സംസ്ഥാനത്ത് കനത്ത മഴ തുടരുന്ന സാഹചര്യത്തിൽ ഇന്ന് തിരുവനന്തപുരം, കൊല്ലം ഒഴികെയുള്ള 12 ജില്ലകളിൽ കേന്ദ്ര കാലാവസ്ഥാ വകുപ്പ് ഓറഞ്ച് അലർട്ട് പ്രഖ്യാപിച്ചു. തിരുവനന്തപുരം, കൊല്ലം ജില്ലകളിൽ യെല്ലോ മുന്നറിയിപ്പാണ്.

## Article Content

**തിരുവനന്തപുരം: **സംസ്ഥാനത്ത് കനത്ത മഴ തുടരുന്ന സാഹചര്യത്തിൽ ഇന്ന് തിരുവനന്തപുരം, കൊല്ലം ഒഴികെയുള്ള 12 ജില്ലകളിൽ കേന്ദ്ര കാലാവസ്ഥാ വകുപ്പ് ഓറഞ്ച് അലർട്ട് പ്രഖ്യാപിച്ചു. തിരുവനന്തപുരം, കൊല്ലം ജില്ലകളിൽ യെല്ലോ മുന്നറിയിപ്പാണ്.

നാളെ 10 ജില്ലകളിൽ യെല്ലോ അലർട്ട് നിലനിൽക്കും.

 *ദുരന്തത്തിന്റെ കണക്കുകൾ*

കാലവർഷക്കെടുതിയിൽ സംസ്ഥാനത്ത് ഇതുവരെ 10 പേർ മരിച്ചു. 8 പേരെ കാണാനില്ല. 27 വീടുകൾ പൂർണമായും 197 വീടുകൾ ഭാഗികമായും തകർന്നു. 5792 പേർ വിവിധ ദുരിതാശ്വാസ ക്യാമ്പുകളിലാണ്.

 *റാന്നി: മിന്നൽ പ്രളയത്തിൽ സർവ്വവും നഷ്ടമായി*

പത്തനംതിട്ട റാന്നിയിലും പരിസര പ്രദേശങ്ങളിലും മിന്നൽ പ്രളയം വലിയ നാശമാണ് വിതച്ചത്. ഇട്ടിയപ്പാറ ബസ് സ്റ്റാൻഡിലെ ഭൂരിഭാഗം കടകളിലും വെള്ളം കയറി. ഓണവിപണി ലക്ഷ്യമിട്ട് എത്തിച്ച സാധനങ്ങളെല്ലാം നശിച്ചു.

> ദുരിതാശ്വാസ പ്രവർത്തനങ്ങളിൽ സർക്കാർ വീഴ്ച വരുത്തിയെന്ന് സിപിഐഎം ജില്ലാ സെക്രട്ടറി രാജു എബ്രഹാം വിമർശിച്ചു. "റാന്നിയിലെ പ്രളയം സർക്കാർ സ്പോൺസേർഡ് ആണ്" എന്നായിരുന്നു അദ്ദേഹത്തിന്റെ പരാമർശം.

നഗരം വൃത്തിയാക്കാൻ ഡിവൈഎഫ്ഐ യൂത്ത് ബ്രിഗേഡ് രംഗത്തിറങ്ങി. സാധ്യമായ എല്ലാ ഇടപെടലും നടത്തുന്നുണ്ടെന്ന് സർക്കാർ അറിയിച്ചു.

മഴ മാറി വെയിൽ വന്നെങ്കിലും വീണ്ടും വെള്ളം കയറുമോ എന്ന ആശങ്കയിലാണ് റാന്നിക്കാർ.

### Related Links & Sources
- [Original Story Source](https://malayorashabdam.truevisionnews.com/news/376179/kerala-rain-orange-alert-10-districts-death-toll-10-ranni-floodp)