---
title: "ലോകകപ്പിനിടെ ലിയോണൽ മെസ്സിയെ വധിക്കാൻ പദ്ധതി; അറ്റ്ലാന്റ സ്റ്റേഡിയത്തിൽ ഭീഷണി, പൊലീസ് റിപ്പോർട്ട് പുറത്ത്"
english_title: "Lionel Messi Death Threat During World Cup; Police Report Reveals Bomb Plot at Atlanta Stadium"
publisher: "malayorashabdam.in"
canonical_url: "https://malayorashabdam.truevisionnews.com/news/377475/lionel-messi-death-threat-world-cup-police-report"
published_at: "2026-08-08T16:03:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a77061bc0786_1000226861.jpg"
keywords: ["Lionel Messi", "Death Threat", "Police Report"]
---

# ലോകകപ്പിനിടെ ലിയോണൽ മെസ്സിയെ വധിക്കാൻ പദ്ധതി; അറ്റ്ലാന്റ സ്റ്റേഡിയത്തിൽ ഭീഷണി, പൊലീസ് റിപ്പോർട്ട് പുറത്ത്

> **Lead Summary:** ബ്യൂണസ് അയേഴ്സ്: ലോകപ്പ് മത്സരങ്ങൾക്കിടെ ഫുട്ബോൾ ഇതിഹാസം ലിയോണൽ മെസ്സിയെ വധിക്കാൻ പദ്ധതിയിട്ടിരുന്നതായി പൊലീസ് റിപ്പോർട്ട്. അറ്റ്ലാന്റ സ്റ്റേഡിയത്തിൽ വച്ചായിരുന്നു ആക്രമണത്തിനുള്ള നീക്കം. സ്പാനിഷ് പത്രമായ ഇൻഫോർമാസിയോണാണ് പൊലീസ് രേഖകളിലെ വിവരങ്ങൾ പുറത്തുവിട്ടത്.

## Article Content

ബ്യൂണസ് അയേഴ്സ്: ലോകപ്പ് മത്സരങ്ങൾക്കിടെ ഫുട്ബോൾ ഇതിഹാസം ലിയോണൽ മെസ്സിയെ വധിക്കാൻ പദ്ധതിയിട്ടിരുന്നതായി പൊലീസ് റിപ്പോർട്ട്. അറ്റ്ലാന്റ സ്റ്റേഡിയത്തിൽ വച്ചായിരുന്നു ആക്രമണത്തിനുള്ള നീക്കം. സ്പാനിഷ് പത്രമായ ഇൻഫോർമാസിയോണാണ് പൊലീസ് രേഖകളിലെ വിവരങ്ങൾ പുറത്തുവിട്ടത്.

കളിക്കാർക്കും ഒഫീഷ്യലുകൾക്കും അവരുടെ കുടുംബാംഗങ്ങൾക്കും നേരെ ഭീഷണികളുണ്ടായിരുന്നതായാണ് റിപ്പോർട്ടിൽ പറയുന്നത്.

ബോംബുകളും AR-15 റൈഫിളുമായി ഡാലസിലെ സ്റ്റേഡിയത്തിലേക്ക് മൂന്ന് പേർ എത്തുന്നുവെന്നായിരുന്നു അധികൃതർക്ക് ലഭിച്ച ഭീഷണി. മെസ്സിയുടെ പേര് പ്രത്യേകം പരാമർശിച്ചുകൊണ്ടായിരുന്നു ഭീഷണി.

ജൂലൈ 7-ന് ഈജിപ്തിനെതിരെ നടന്ന അർജന്റീനയുടെ മത്സരവുമായി ബന്ധപ്പെട്ടായിരുന്നു മറ്റൊരു ഭീഷണി. മെസ്സിയെ കൊല്ലാനായി നാല് ബോംബുകളുമായി അറ്റ്ലാന്റ സ്റ്റേഡിയത്തിലേക്ക് പ്രവേശിക്കാൻ ഒരാൾ ഒരുങ്ങുകയാണെന്ന് X-ലെ പോസ്റ്റിൽ അവകാശപ്പെട്ടതായും റിപ്പോർട്ടിൽ പറയുന്നു.

അറ്റ്ലാന്റയിലെ വേദിയിലുണ്ടായ ഭീഷണികളെത്തുടർന്ന് സുരക്ഷാ ഉദ്യോഗസ്ഥർ കർശന നടപടികൾ സ്വീകരിച്ചു. മത്സരത്തിനിടെ സ്റ്റേഡിയത്തിൽ മൂന്ന് ബോംബുകൾ സ്ഥാപിച്ചിട്ടുണ്ടെന്ന ഭീഷണിയെത്തുടർന്ന് ബോംബ് സ്ക്വാഡും ഡോഗ് ഹാൻഡ്‌ലർമാരും K-9 യൂണിറ്റുകളും സ്ഥലത്ത് പരിശോധന നടത്തി.

ടൂർണമെന്റിന്റെ സുരക്ഷാ പ്രവർത്തനങ്ങൾക്ക് FBI-യുടെയും IPCC - സെന്റർ ഫോർ ഇന്റർനാഷണൽ പോലീസ് കോ-ഓപ്പറേഷൻ -ന്റെയും നേതൃത്വത്തിലുള്ള സംയുക്ത സംഘം നേതൃത്വം നൽകിയിരുന്നു.

### Related Links & Sources
- [Original Story Source](https://malayorashabdam.truevisionnews.com/news/377475/lionel-messi-death-threat-world-cup-police-report)