---
title: "സംസ്ഥാനത്ത് മഴയ്ക്ക് ശമനം: ഇന്നും നാളെയും ജില്ലകളിൽ മഴ മുന്നറിയിപ്പില്ല"
english_title: "Rainfall Weakens in Kerala, No Rain Alerts Today and Tomorrow"
publisher: "malayorashabdam.in"
canonical_url: "https://malayorashabdam.truevisionnews.com/news/377698/kerala-rain-weakens-no-alerts-today-tomorrow-fishing-ban"
published_at: "2026-08-10T10:54:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a7960bb5d3da_rain.jpeg"
keywords: ["Kerala Rain", "Weather Update", "IMD Alert", "Strong Winds"]
---

# സംസ്ഥാനത്ത് മഴയ്ക്ക് ശമനം: ഇന്നും നാളെയും ജില്ലകളിൽ മഴ മുന്നറിയിപ്പില്ല

> **Lead Summary:** **തിരുവനന്തപുരം:** സംസ്ഥാനത്ത് മഴയുടെ ശക്തി കുറഞ്ഞു. കാലാവസ്ഥയിൽ താൽക്കാലിക ആശ്വാസം ലഭിച്ചിരിക്കുകയാണ്. കേന്ദ്ര കാലാവസ്ഥാ നിരീക്ഷണ കേന്ദ്രത്തിന്റെ റിപ്പോർട്ട് പ്രകാരം ഇന്നും നാളെയും സംസ്ഥാനത്തെ ഒരു ജില്ലകളിലും മഴ മുന്നറിയിപ്പില്ല. എങ്കിലും ഒറ്റപ്പെട്ട ഇടങ്ങളിൽ നേരിയ മഴയ്ക്ക് സാധ്യതയുണ്ടെന്ന് അറിയിച്ചിട്ടുണ്ട്.

## Article Content

**തിരുവനന്തപുരം:** സംസ്ഥാനത്ത് മഴയുടെ ശക്തി കുറഞ്ഞു. കാലാവസ്ഥയിൽ താൽക്കാലിക ആശ്വാസം ലഭിച്ചിരിക്കുകയാണ്. കേന്ദ്ര കാലാവസ്ഥാ നിരീക്ഷണ കേന്ദ്രത്തിന്റെ റിപ്പോർട്ട് പ്രകാരം ഇന്നും നാളെയും സംസ്ഥാനത്തെ ഒരു ജില്ലകളിലും മഴ മുന്നറിയിപ്പില്ല. എങ്കിലും ഒറ്റപ്പെട്ട ഇടങ്ങളിൽ നേരിയ മഴയ്ക്ക് സാധ്യതയുണ്ടെന്ന് അറിയിച്ചിട്ടുണ്ട്.

കൂടാതെ ചില പ്രദേശങ്ങളിൽ മണിക്കൂറിൽ 50 കിലോമീറ്റർ വരെ വേഗതയിൽ കാറ്റ് വീശാനും സാധ്യതയുണ്ട്. ഇതേ തുടർന്ന് കേരള, കർണാടക, ലക്ഷദ്വീപ് തീരങ്ങളിൽ മത്സ്യബന്ധനത്തിന് വിലക്ക് ഏർപ്പെടുത്തിയിട്ടുണ്ട്. മത്സ്യത്തൊഴിലാളികൾ കടലിൽ പോകാൻ പാടില്ലെന്ന് മുന്നറിയിപ്പ് നൽകി.

കഴിഞ്ഞ ദിവസങ്ങളിൽ സംസ്ഥാനത്ത് അതിതീവ്ര മഴയായിരുന്നു അനുഭവപ്പെട്ടത്. വ്യാപകമായ നാശനഷ്ടങ്ങളും വെള്ളക്കെട്ടും റിപ്പോർട്ട് ചെയ്യപ്പെട്ടിരുന്നു. അപ്രതീക്ഷിതമായ കനത്ത മഴ ജനജീവിതത്തെ ദുഷ്കരമാക്കിയിരുന്നു.

ഇപ്പോൾ മഴ ദുർബലമായതോടെ ജനങ്ങൾക്ക് ആശങ്ക കുറഞ്ഞിട്ടുണ്ട്. എന്നിരുന്നാലും കാലാവസ്ഥാ നിരീക്ഷണ കേന്ദ്രത്തിന്റെ നിർദ്ദേശങ്ങൾ പാലിക്കാൻ അധികൃതർ ജനങ്ങളോട് അഭ്യർത്ഥിച്ചിട്ടുണ്ട്.

### Related Links & Sources
- [Original Story Source](https://malayorashabdam.truevisionnews.com/news/377698/kerala-rain-weakens-no-alerts-today-tomorrow-fishing-ban)