---
title: "പ്രിയദർശിനി ബസുകളിലെ അമിത തിരക്ക്: പൊതുതാൽപ്പര്യ ഹർജി ഹൈക്കോടതി തള്ളി; യാത്രക്കാരുടെ സുരക്ഷ ഉറപ്പാക്കാൻ നിർദ്ദേശം"
english_title: "High Court Dismisses PIL On Overcrowding In Priyadarshini KSRTC Buses"
publisher: "malayorashabdam.in"
canonical_url: "https://malayorashabdam.truevisionnews.com/news/379146/Kerala-high-court-dismisses-pil-on-priyadarshini-bus-overcrowding"
published_at: "2026-08-19T10:49:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a853d30d2ca5_dd.jpeg"
keywords: ["Priyadarshini Bus", "KSRTC News", "Kerala High Court"]
---

# പ്രിയദർശിനി ബസുകളിലെ അമിത തിരക്ക്: പൊതുതാൽപ്പര്യ ഹർജി ഹൈക്കോടതി തള്ളി; യാത്രക്കാരുടെ സുരക്ഷ ഉറപ്പാക്കാൻ നിർദ്ദേശം

> **Lead Summary:** **കൊച്ചി:** കെ.എസ്.ആർ.ടി.സി.യുടെ സൗജന്യ സർവീസായ പ്രിയദർശിനി ബസുകളിലെ അമിത തിരക്ക് അപകടങ്ങൾക്ക് കാരണമാകുന്നുവെന്ന് ആരോപിച്ച് സമർപ്പിക്കപ്പെട്ട പൊതുതാൽപ്പര്യ ഹർജി കേരള ഹൈക്കോടതി തള്ളി. ചീഫ് ജസ്റ്റിസ് സൗമെൻ സെൻ, ജസ്റ്റിസ് വി.എം. ശ്യാംകുമാർ എന്നിവരടങ്ങിയ ഡിവിഷൻ ബെഞ്ചാണ് കേസിൽ ഉത്തര പുറപ്പെടുവിച്ചത്. പാലക്കാട് സ്വദേശിനി പി.ആർ. അഖില, തിരുവനന്തപുരം സ്വദേശിനി എ. അഖില എന്നിവരാണ് ഹർജിയുമായി കോടതിയെ സമീപിച്ചിരുന്നത്.

## Article Content

**കൊച്ചി:** കെ.എസ്.ആർ.ടി.സി.യുടെ സൗജന്യ സർവീസായ പ്രിയദർശിനി ബസുകളിലെ അമിത തിരക്ക് അപകടങ്ങൾക്ക് കാരണമാകുന്നുവെന്ന് ആരോപിച്ച് സമർപ്പിക്കപ്പെട്ട പൊതുതാൽപ്പര്യ ഹർജി കേരള ഹൈക്കോടതി തള്ളി. ചീഫ് ജസ്റ്റിസ് സൗമെൻ സെൻ, ജസ്റ്റിസ് വി.എം. ശ്യാംകുമാർ എന്നിവരടങ്ങിയ ഡിവിഷൻ ബെഞ്ചാണ് കേസിൽ ഉത്തര പുറപ്പെടുവിച്ചത്. പാലക്കാട് സ്വദേശിനി പി.ആർ. അഖില, തിരുവനന്തപുരം സ്വദേശിനി എ. അഖില എന്നിവരാണ് ഹർജിയുമായി കോടതിയെ സമീപിച്ചിരുന്നത്.

ബസുകളിൽ അനുഭവപ്പെടുന്ന അമിതമായ തിരക്ക് നിമിത്തം നിരന്തരം അപകടങ്ങൾ ഉണ്ടാകുന്നുണ്ടെന്ന് ഹർജിക്കാർ വാദിച്ചെങ്കിലും, ഈ ആരോപണം ശരിവെക്കുന്ന തരത്തിലുള്ള കൃത്യമായ തെളിവുകളോ രേഖകളോ കോടതിയിൽ ഹാജരാക്കാൻ അവർക്ക് സാധിച്ചില്ല. ബസുകളിലെ തിരക്കാണ് അപകടങ്ങൾക്ക് പ്രധാന കാരണമെന്ന് വ്യക്തമാക്കുന്ന തെളിവുകളുടെ അഭാവത്തിൽ വിഷയത്തിൽ ഇടപെടേണ്ടതില്ലെന്ന് ഡിവിഷൻ ബെഞ്ച് വിലയിരുത്തി. തുടർന്നാണ് ഹർജി തള്ളാൻ കോടതി തീരുമാനിച്ചത്.

എന്നാൽ, ഹർജി തള്ളിയെങ്കിലും പ്രിയദർശിനി ബസുകളിൽ യാത്ര ചെയ്യുന്ന സാധാരണക്കാരായ യാത്രക്കാരുടെ സുരക്ഷയുടെ കാര്യത്തിൽ യാതൊരുവിധ വീഴ്ചയും വരുത്തരുതെന്നും, യാത്രക്കാരുടെ സുരക്ഷ പൂർണ്ണമായും ഉറപ്പാക്കണമെന്നും സംസ്ഥാന സർക്കാരിനോടും കെ.എസ്.ആർ.ടി.സി.യോടും ഹൈക്കോടതി കർശനമായി നിർദ്ദേശിച്ചു.

### Related Links & Sources
- [Original Story Source](https://malayorashabdam.truevisionnews.com/news/379146/Kerala-high-court-dismisses-pil-on-priyadarshini-bus-overcrowding)