---
title: "സിജി കണ്ണൂർ ജില്ലാ ലീഡേഴ്സ് മീറ്റ് കാട്ടാമ്പള്ളിയിൽ സമാപിച്ചു; നേതൃത്വ പാടവവും ഭാവി പദ്ധതികളും ചർച്ച ചെയ്തു"
english_title: "CIGI Kannur District Leaders Meet Concludes at Kattampally"
publisher: "malayorashabdam.in"
canonical_url: "https://malayorashabdam.truevisionnews.com/news/381484/cigi-kannur-district-leaders-meet-concludes-at-kattampally"
published_at: "2026-09-07T12:42:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a9e64083c883_WhatsApp_Image_2026-09-07_at_12.40.34_PM.jpeg"
keywords: ["CIGI Kannur", "CIGI Leaders Meet", "Kannur News", "Kattampally", "Muhammad Shafeeq Palathayi", "CIGI Kerala"]
---

# സിജി കണ്ണൂർ ജില്ലാ ലീഡേഴ്സ് മീറ്റ് കാട്ടാമ്പള്ളിയിൽ സമാപിച്ചു; നേതൃത്വ പാടവവും ഭാവി പദ്ധതികളും ചർച്ച ചെയ്തു

> **Lead Summary:** > **കണ്ണൂർ**: സെന്റർ ഫോർ ഇൻഫർമേഷൻ ആൻഡ് ഗൈഡൻസ് ഇന്ത്യ (സിജി) കണ്ണൂർ ജില്ലാ ചാപ്റ്ററിന്റെ നേതൃത്വത്തിൽ സംഘടിപ്പിച്ച 'സിജി കണ്ണൂർ ലീഡേഴ്സ് മീറ്റ്' വിജയകരമായി സമാപിച്ചു. കാട്ടാമ്പള്ളി കൈരളി ഹെറിറ്റേജിൽ വെച്ചാണ് ദിനപൂർവ്വ പരിപാടി നടന്നുതീർന്നത്. "കണക്ട്, കൊളാബറേറ്റ്, ക്രിയേറ്റ് ഇംപാക്ട്" എന്ന പ്രമേയത്തെ അടിസ്ഥാനമാക്കിയാണ് ഇത്തവണത്തെ ജില്ലാതല ലീഡേഴ്സ് മീറ്റ് ഒരുക്കിയത്. സംഘടനയുടെ ഭാവി പ്രവർത്തനങ്ങൾക്കും പ്രാദേശികതലത്തിലെ ഇടപെടലുകൾക്കും കൃത്യമായ ദിശാബോധം നൽകുന്നതായിരുന്നു ഈ സംഗമം.

## Article Content

> **കണ്ണൂർ**: സെന്റർ ഫോർ ഇൻഫർമേഷൻ ആൻഡ് ഗൈഡൻസ് ഇന്ത്യ (സിജി) കണ്ണൂർ ജില്ലാ ചാപ്റ്ററിന്റെ നേതൃത്വത്തിൽ സംഘടിപ്പിച്ച 'സിജി കണ്ണൂർ ലീഡേഴ്സ് മീറ്റ്' വിജയകരമായി സമാപിച്ചു. കാട്ടാമ്പള്ളി കൈരളി ഹെറിറ്റേജിൽ വെച്ചാണ് ദിനപൂർവ്വ പരിപാടി നടന്നുതീർന്നത്. "കണക്ട്, കൊളാബറേറ്റ്, ക്രിയേറ്റ് ഇംപാക്ട്" എന്ന പ്രമേയത്തെ അടിസ്ഥാനമാക്കിയാണ് ഇത്തവണത്തെ ജില്ലാതല ലീഡേഴ്സ് മീറ്റ് ഒരുക്കിയത്. സംഘടനയുടെ ഭാവി പ്രവർത്തനങ്ങൾക്കും പ്രാദേശികതലത്തിലെ ഇടപെടലുകൾക്കും കൃത്യമായ ദിശാബോധം നൽകുന്നതായിരുന്നു ഈ സംഗമം.

സംഗമത്തിൽ 'സാമൂഹിക നേതാക്കൾക്കിടയിലെ വ്യക്തിത്വവും മാനസികാരോഗ്യവും' എന്ന വിഷയത്തിൽ മൈൻഡ്പ്ലസ് സൈക്കോളജിക്കൽ സർവീസസ് ഡയറക്ടർ മുഹമ്മദ് ഷഫീഖ് പാലത്തായി പ്രത്യേക ക്ലാസ് നയിച്ചു. നേതൃസ്ഥാനങ്ങളിലുള്ളവരുടെ മാനസിക സുസ്ഥിതിയും സംഘാടന മികവും വർദ്ധിപ്പിക്കുന്നതിന് ആവശ്യമായ മാർഗ്ഗനിർദ്ദേശങ്ങൾ അദ്ദേഹം തന്റെ പ്രസംഗത്തിലൂടെ പങ്കുവെച്ചു.

ഉച്ചയ്ക്ക് ശേഷം നടന്ന വിവിധ ചർച്ചകളിലും സംഘടനയുടെ മുൻകാല പ്രവർത്തന വിലയിരുത്തൽ സെഷനുകളിലും (Review Sessions) കണ്ണൂർ ജില്ലയിലെ വിവിധ ഭാഗങ്ങളിൽ നിന്നുള്ള പ്രതിനിധികൾ സജീവമായി പങ്കെടുത്തു. തുടർന്ന് നടന്ന സമാപന സംഗമത്തോടെയാണ് മീറ്റ് ഔദ്യോഗികമായി അവസാനിച്ചത്.

സിജി കണ്ണൂർ ജില്ലാ പ്രസിഡന്റ് മൊയ്തു പാറമ്മൽ, ജില്ലാ സെക്രട്ടറി ആഷിദ് പുഴക്കൽ, ട്രഷറർ അഷ്റഫ് പെടേന, എച്ച്.ആർ. ഹെഡ് ഷാഫി പാപ്പിനിശ്ശേരി, ടി.എൻ.സി. ഡയറക്ടർ നസറുൽ ഇസ്ലാം, ഡിജിറ്റൽ എംപവർമെന്റ് ഡയറക്ടർ ഷാഫി തളിപ്പറമ്പ് തുടങ്ങിയ പ്രമുഖ നേതാക്കൾ മീറ്റിലെ വിവിധ വിഷയധിഷ്ഠിത സെഷനുകൾക്ക് നേതൃത്വം നൽകി സംസാരിച്ചു

### Related Links & Sources
- [Original Story Source](https://malayorashabdam.truevisionnews.com/news/381484/cigi-kannur-district-leaders-meet-concludes-at-kattampally)