---
title: "സംസ്ഥാനത്ത് ഉയർന്ന ചൂട് തുടരുന്നു; ഇന്ന് 4 ഡിഗ്രി വരെ താപനില ഉയരാൻ സാധ്യത, ആശ്വാസമായി മഴയെത്തിയേക്കും"
english_title: "Kerala Weather Update: Temperature to Rise Up to 4 Degrees; Relief Rain Likely Today"
publisher: "malayorashabdam.in"
canonical_url: "https://malayorashabdam.truevisionnews.com/news/381766/kerala-weather-update-temperature-to-rise-up-to-4-degrees-relief-rain-likely-today"
published_at: "2026-09-09T10:22:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6aa0e6439eb28_h.jpeg"
keywords: ["Kerala weather", "Kerala temperature update", "Kerala rain forecast", "summer rain Kerala"]
---

# സംസ്ഥാനത്ത് ഉയർന്ന ചൂട് തുടരുന്നു; ഇന്ന് 4 ഡിഗ്രി വരെ താപനില ഉയരാൻ സാധ്യത, ആശ്വാസമായി മഴയെത്തിയേക്കും

> **Lead Summary:** **തിരുവനന്തപുരം**: സംസ്ഥാനത്ത് കനത്ത ചൂട് തുടരുന്നതിനിടെ ഇന്ന് വിവിധ ജില്ലകളിൽ താപനില മുന്നറിയിപ്പ് പുറപ്പെടുവിച്ചു. സാധാരണയെക്കാൾ മൂന്ന് മുതൽ നാല് ഡിഗ്രി സെൽഷ്യസ് വരെ ഒറ്റപ്പെട്ട പ്രദേശങ്ങളിൽ താപനില ഉയരാൻ സാധ്യതയുണ്ടെന്നാണ് കാലാവസ്ഥാ വകുപ്പിന്റെ പ്രവചനം. കഴിഞ്ഞ കുറച്ചു ദിവസങ്ങളായി സംസ്ഥാനത്തുടനീളം റെക്കോർഡ് ചൂടാണ് രേഖപ്പെടുത്തിക്കൊണ്ടിരിക്കുന്നത്.

## Article Content

**തിരുവനന്തപുരം**: സംസ്ഥാനത്ത് കനത്ത ചൂട് തുടരുന്നതിനിടെ ഇന്ന് വിവിധ ജില്ലകളിൽ താപനില മുന്നറിയിപ്പ് പുറപ്പെടുവിച്ചു. സാധാരണയെക്കാൾ മൂന്ന് മുതൽ നാല് ഡിഗ്രി സെൽഷ്യസ് വരെ ഒറ്റപ്പെട്ട പ്രദേശങ്ങളിൽ താപനില ഉയരാൻ സാധ്യതയുണ്ടെന്നാണ് കാലാവസ്ഥാ വകുപ്പിന്റെ പ്രവചനം. കഴിഞ്ഞ കുറച്ചു ദിവസങ്ങളായി സംസ്ഥാനത്തുടനീളം റെക്കോർഡ് ചൂടാണ് രേഖപ്പെടുത്തിക്കൊണ്ടിരിക്കുന്നത്.

എന്നാൽ കഴിഞ്ഞ ദിവസങ്ങളിലെത്രയും രൂക്ഷമായ താപനില ഇന്നലെ റിപ്പോർട്ട് ചെയ്തിട്ടില്ല എന്നത് നേരിയ ആശ്വാസം നൽകുന്നുണ്ട്. വരും മണിക്കൂറുകളിൽ ഉയർന്ന ചൂടിന് ആശ്വാസമായി ഒറ്റപ്പെട്ടയിടങ്ങളിൽ മഴ ലഭിക്കാനും സാധ്യതയുണ്ട്. ദിവസങ്ങളായി തുടരുന്ന വരണ്ട കാലാവസ്ഥയും ഉയർന്ന താപനിലയും ജനജീവിതത്തെ പ്രതികൂലമായി ബാധിച്ചിട്ടുണ്ട്. ചില പ്രദേശങ്ങളിൽ ഇടയ്ക്കിടെ വേനൽമഴ ലഭിക്കുന്നുണ്ടെങ്കിലും പകൽ സമയങ്ങളിലെ താപനില കുത്തനെ ഉയരുന്ന പ്രതിഭാസം തുടരുകയാണ്.

പൊതുജനങ്ങൾ പകൽ സമയങ്ങളിൽ വെയിൽ നേരിട്ടടിക്കുന്നത് ഒഴിവാക്കണമെന്നും നിർജ്ജലീകരണം തടയാൻ ആവശ്യത്തിന് വെള്ളം കുടിക്കണമെന്നും അധികൃതർ നിർദ്ദേശിക്കുന്നു. വേനൽമഴ ശക്തമാകുന്നതോടെ ചൂടിന്റെ തീവ്രതയ്ക്ക് ശമനമുണ്ടാകുമെന്ന പ്രതീക്ഷയിലാണ് ജനങ്ങൾ.

### Related Links & Sources
- [Original Story Source](https://malayorashabdam.truevisionnews.com/news/381766/kerala-weather-update-temperature-to-rise-up-to-4-degrees-relief-rain-likely-today)