---
title: "കണ്ണൂർ സെൻട്രൽ ജയിലിൽ വീണ്ടും മൊബൈൽ ഫോണുകൾ കണ്ടെത്തി; കുപ്പിയിലാക്കി മണ്ണിൽ കുഴിച്ചിട്ട നിലയിൽ"
english_title: "Two Mobile Phones Found Buried in Kannur Central Jail Premises, Police Investigation On"
publisher: "malayorashabdam.in"
canonical_url: "https://malayorashabdam.truevisionnews.com/news/381959/two-mobile-phones-found-buried-in-kannur-central-jail-premises-police-investigation-on"
published_at: "2026-09-10T13:12:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6aa25fa0a0aed_WhatsApp_Image_2026-09-10_at_1.06.52_PM.jpeg"
keywords: ["Kannur Central Jail", "Mobile Phone Found Kannur Jail", "Kannur Police Investigation", "Kerala Jail Security"]
---

# കണ്ണൂർ സെൻട്രൽ ജയിലിൽ വീണ്ടും മൊബൈൽ ഫോണുകൾ കണ്ടെത്തി; കുപ്പിയിലാക്കി മണ്ണിൽ കുഴിച്ചിട്ട നിലയിൽ

> **Lead Summary:** **കണ്ണൂർ: **കണ്ണൂർ സെൻട്രൽ ജയിലിൽ വീണ്ടും സുരക്ഷാ വീഴ്ച വെളിപ്പെടുത്തി മൊബൈൽ ഫോണുകൾ കണ്ടെത്തി. ജയിൽ വളപ്പിലെ ആറാം ബ്ലോക്കിന്റെ പിൻഭാഗത്തായി പ്ലാസ്റ്റിക് കുപ്പിയിലാക്കി മണ്ണിൽ കുഴിച്ചിട്ട നിലയിലാണ് രണ്ട് മൊബൈൽ ഫോണുകൾ ജയിൽ അധികൃതർ കണ്ടെടുത്തത്. സംഭവത്തിൽ ജയിൽ സൂപ്രണ്ടിന്റെ പരാതിയെ തുടർന്ന് കണ്ണൂർ ടൗൺ പൊലീസ് കേസെടുത്ത് സമഗ്ര അന്വേഷണം ആരംഭിച്ചിട്ടുണ്ട്.

## Article Content

**കണ്ണൂർ: **കണ്ണൂർ സെൻട്രൽ ജയിലിൽ വീണ്ടും സുരക്ഷാ വീഴ്ച വെളിപ്പെടുത്തി മൊബൈൽ ഫോണുകൾ കണ്ടെത്തി. ജയിൽ വളപ്പിലെ ആറാം ബ്ലോക്കിന്റെ പിൻഭാഗത്തായി പ്ലാസ്റ്റിക് കുപ്പിയിലാക്കി മണ്ണിൽ കുഴിച്ചിട്ട നിലയിലാണ് രണ്ട് മൊബൈൽ ഫോണുകൾ ജയിൽ അധികൃതർ കണ്ടെടുത്തത്. സംഭവത്തിൽ ജയിൽ സൂപ്രണ്ടിന്റെ പരാതിയെ തുടർന്ന് കണ്ണൂർ ടൗൺ പൊലീസ് കേസെടുത്ത് സമഗ്ര അന്വേഷണം ആരംഭിച്ചിട്ടുണ്ട്.

ജയിൽ വളപ്പിൽ പതിവ് പരിശോധന നടത്തുന്നതിനിടയിലാണ് ആറാം ബ്ലോക്കിന് പിൻവശത്തായി മണ്ണ് പുതുതായി ഇളക്കി മാറ്റിയ നിലയിൽ ഉദ്യോഗസ്ഥരുടെ ശ്രദ്ധയിൽപ്പെട്ടത്. സംശയം തോന്നിയ ജീവനക്കാർ കൂടുതൽ പരിശോധന നടത്തുകയും പ്രദേശം കുഴിച്ചു നോക്കുകയുമായിരുന്നു. തുടർന്നാണ് പ്രത്യേക രീതിയിൽ കുപ്പിയിലാക്കി മണ്ണിൽ ഒളിപ്പിച്ചു വെച്ച നിലയിൽ ഫോണുകൾ കണ്ടെത്തിയത്.

തടവുകാർക്ക് പുറത്തുനിന്നുള്ളവരുടെ സഹായത്തോടെ ഫോണുകൾ എത്തിച്ചതാണോ അതോ ജയിലിനുള്ളിലേക്ക് പുറത്തുനിന്ന് എറിഞ്ഞു കൊടുത്തതാണോ എന്ന കാര്യത്തിൽ അന്വേഷണം പുരോഗമിക്കുകയാണ്. ജയിൽ വളപ്പിൽ കണ്ടെത്തിയ മൊബൈൽ ഫോണുകൾ ഉപയോഗിച്ച് ഏതെങ്കിലും തരത്തിലുള്ള ക്രിമിനൽ പ്രവർത്തനങ്ങളോ ഗൂഢാലോചനകളോ നടന്നിട്ടുണ്ടോ എന്നും പൊലീസ് പരിശോധിക്കുന്നുണ്ട്. ഫോണുകൾ ശാസ്ത്രീയ പരിശോധനയ്ക്കായി ഫോറൻസിക് ലാബിലേക്ക് അയക്കും. അതിനുശേഷമേ ഇതിലെ സിം കാർഡുകൾ, വിളിച്ച കോളുകളുടെ വിവരങ്ങൾ തുടങ്ങിയവയെക്കുറിച്ച് വ്യക്തത വരികയുള്ളൂ. ജയിലിനുള്ളിലെ സുരക്ഷ കൂടുതൽ ശക്തമാക്കിയതായി അധികൃതർ അറിയിച്ചു.

### Related Links & Sources
- [Original Story Source](https://malayorashabdam.truevisionnews.com/news/381959/two-mobile-phones-found-buried-in-kannur-central-jail-premises-police-investigation-on)