---
title: "കണ്ണൂരിൽ കടയിൽ നിന്നും റിപ്പയറിനായി വച്ച മോട്ടോർ കവർന്ന കേസ്: കാസർഗോഡ് സ്വദേശി അറസ്റ്റിൽ"
english_title: "Motor Theft Case in Kannur: Kasaragod Native Arrested by Police"
publisher: "malayorashabdam.in"
canonical_url: "https://malayorashabdam.truevisionnews.com/news/382900/motor-theft-case-kannur-kasaragod-native-arrested-town-police"
published_at: "2026-09-16T11:50:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6aaa356530f7e_WhatsApp_Image_2026-09-16_at_11.24.24_AM.jpeg"
keywords: ["kannur", "arrested"]
---

# കണ്ണൂരിൽ കടയിൽ നിന്നും റിപ്പയറിനായി വച്ച മോട്ടോർ കവർന്ന കേസ്: കാസർഗോഡ് സ്വദേശി അറസ്റ്റിൽ

> **Lead Summary:** **കണ്ണൂർ:** റിപ്പയറിനായി കടയിൽ സൂക്ഷിച്ചിരുന്ന മോട്ടോർ മോഷ്ടിച്ച സംഭവത്തിൽ കാസർഗോഡ് സ്വദേശിയെ കണ്ണൂർ ടൗൺ പോലീസ് അറസ്റ്റ് ചെയ്തു. കാസർഗോഡ് ചിറ്റാരിക്കൽ സ്വദേശിയായ തോമസ് ആണ് പോലീസിന്റെ പിടിയിലായത്.

## Article Content

**കണ്ണൂർ:** റിപ്പയറിനായി കടയിൽ സൂക്ഷിച്ചിരുന്ന മോട്ടോർ മോഷ്ടിച്ച സംഭവത്തിൽ കാസർഗോഡ് സ്വദേശിയെ കണ്ണൂർ ടൗൺ പോലീസ് അറസ്റ്റ് ചെയ്തു. കാസർഗോഡ് ചിറ്റാരിക്കൽ സ്വദേശിയായ തോമസ് ആണ് പോലീസിന്റെ പിടിയിലായത്.

കഴിഞ്ഞ സെപ്റ്റംബർ ആറിന് രാവിലെയോടെയാണ് കേസിനാസ്പദമായ സംഭവം നടന്നത്. കണ്ണൂർ തെക്കി ബസാറിലുള്ള കടയിൽ സലാം എന്നയാൾ നന്നാക്കാനായി നൽകിയ ഏകദേശം 18,000 രൂപ വിലമതിക്കുന്ന മോട്ടോറാണ് പ്രതി മോഷണം നടത്തിയത്. ഉടമയുടെ പരാതിയെ തുടർന്ന് കേസെടുത്ത പോലീസ് പ്രദേശത്തെയും കടയിലെയും സിസിടിവി (CCTV) ദൃശ്യങ്ങൾ കേന്ദ്രീകരിച്ച് സമഗ്രമായ അന്വേഷണം നടത്തുകയായിരുന്നു.

സിസിടിവി ദൃശ്യങ്ങൾ വിശദമായി പരിശോധിച്ചതിൽ നിന്നാണ് പ്രതിയെക്കുറിച്ചുള്ള വ്യക്തമായ സൂചനകൾ പോലീസിന് ലഭിച്ചത്. തുടർന്ന് നടത്തിയ തിരച്ചിലിൽ പ്രതിയെ തന്ത്രപരമായി പോലീസ് കസ്റ്റഡിയിലെടുത്തു. ചോദ്യം ചെയ്യലിൽ പ്രതി കുറ്റം സമ്മതിച്ചതായി ടൗൺ പോലീസ് അറിയിച്ചു. അറസ്റ്റിലായ പ്രതിയെ കോടതിയിൽ ഹാജരാക്കി റിമാൻഡ് ചെയ്തു.

### Related Links & Sources
- [Original Story Source](https://malayorashabdam.truevisionnews.com/news/382900/motor-theft-case-kannur-kasaragod-native-arrested-town-police)