---
title: "ഉയർന്ന വിലയ്ക്ക് വൈദ്യുതി വാങ്ങില്ല; പ്രതിസന്ധി ഉടൻ തീരില്ലെന്ന് മന്ത്രി സണ്ണി ജോസഫ്"
english_title: "High Electricity Costs: Minister Sunny Joseph Clarifies Kerala Power Crisis"
publisher: "malayorashabdam.in"
canonical_url: "https://malayorashabdam.truevisionnews.com/news/383060/kerala-power-crisis-minister-sunny-joseph-statement"
published_at: "2026-09-17T10:26:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6aab730f53879_download_(23).jpeg"
keywords: ["Kerala Power Crisis", "Sunny Joseph", "KSEB", "Kerala Electricity News", "High Electricity Cost", "NTPC Power"]
---

# ഉയർന്ന വിലയ്ക്ക് വൈദ്യുതി വാങ്ങില്ല; പ്രതിസന്ധി ഉടൻ തീരില്ലെന്ന് മന്ത്രി സണ്ണി ജോസഫ്

> **Lead Summary:** **തിരുവനന്തപുരം**: സംസ്ഥാനത്ത് വലിയ തുക നൽകി ഉയർന്ന വിലയ്ക്ക് വൈദ്യുതി വാങ്ങേണ്ടതില്ലെന്നാണ് സർക്കാരിന്റെ തീരുമാനമെന്ന് വൈദ്യുതി മന്ത്രി സണ്ണി ജോസഫ് വ്യക്തമാക്കി. യൂണിറ്റിന് 10 രൂപയിൽ കൂടുതൽ നൽകി പുറത്തുനിന്ന് വൈദ്യുതി വാങ്ങുന്നത് പ്രായോഗികമല്ല. എൻ.ടി.പി.സി. ഉൽപ്പാദിപ്പിക്കുന്ന വൈദ്യുതിക്ക് വിപണിയിൽ വളരെ ഉയർന്ന വിലയാണുള്ളതെന്നും മന്ത്രി ചൂണ്ടിക്കാട്ടി.

## Article Content

**തിരുവനന്തപുരം**: സംസ്ഥാനത്ത് വലിയ തുക നൽകി ഉയർന്ന വിലയ്ക്ക് വൈദ്യുതി വാങ്ങേണ്ടതില്ലെന്നാണ് സർക്കാരിന്റെ തീരുമാനമെന്ന് വൈദ്യുതി മന്ത്രി സണ്ണി ജോസഫ് വ്യക്തമാക്കി. യൂണിറ്റിന് 10 രൂപയിൽ കൂടുതൽ നൽകി പുറത്തുനിന്ന് വൈദ്യുതി വാങ്ങുന്നത് പ്രായോഗികമല്ല. എൻ.ടി.പി.സി. ഉൽപ്പാദിപ്പിക്കുന്ന വൈദ്യുതിക്ക് വിപണിയിൽ വളരെ ഉയർന്ന വിലയാണുള്ളതെന്നും മന്ത്രി ചൂണ്ടിക്കാട്ടി.

നിലവിലെ വൈദ്യുതി പ്രതിസന്ധിയുമായി പൊരുത്തപ്പെടാൻ ജനങ്ങൾ സന്നദ്ധരായിട്ടുണ്ടെങ്കിലും നിരവധി ആളുകൾ ഇനിയും പ്രയാസങ്ങൾ അനുഭവിക്കുന്നുണ്ട്. നിലവിലുള്ള ഈ പ്രതിസന്ധി പെട്ടെന്ന് പരിഹരിക്കാൻ സാധിക്കുന്ന ഒന്നല്ലെന്ന് മന്ത്രി വ്യക്തമാക്കി. സെക്രട്ടറിയറ്റിൽ പോലും നിയന്ത്രണം നിലനിൽക്കുന്നുണ്ടെന്നും സ്വന്തം ഓഫീസിൽ രണ്ടുതവണ വൈദ്യുതി തടസ്സപ്പെട്ടതായും അദ്ദേഹം കൂട്ടിച്ചേർത്തു.

നിലവിൽ പുതിയ പദ്ധതികളൊന്നും പ്രഖ്യാപിച്ചിട്ടില്ലെന്നും മുൻപുണ്ടായിരുന്ന പകുതിയിലധികം പദ്ധതികളും പൂർത്തിയാകാതെ മുടങ്ങിക്കിടക്കുകയാണെന്നും അദ്ദേഹം പറഞ്ഞു. മണിയാർ പദ്ധതി കെ.എസ്.ഇ.ബി.ക്ക് പൂർണ്ണമായി ഏറ്റെടുക്കാൻ കഴിഞ്ഞിട്ടില്ല. ഇതിനെക്കുറിച്ച് പഠിക്കുന്നതിനായി പ്രത്യേക കമ്മിറ്റിയെ നിയോഗിച്ചിട്ടുണ്ട്. രാത്രികാലങ്ങളിൽ ഉപയോഗിക്കുന്നതിനായി സോളാർ ഊർജ്ജം സംഭരിച്ചു വെക്കാനുള്ള സംവിധാനങ്ങൾ വികസിപ്പിക്കേണ്ടതുണ്ട്. കൂടാതെ ഹ്രസ്വകാല, ദീർഘകാല വൈദ്യുത കരാറുകൾക്കായി സംസ്ഥാനത്ത് ഉടൻ തന്നെ പുതിയ വൈദ്യുതി നയം രൂപീകരിക്കുമെന്നും മന്ത്രി അറിയിച്ചു.

വൈദ്യുതി വകുപ്പിന്റെ ചുമതല ഏറ്റെടുത്തതിൽ ഒട്ടേറെ വെല്ലുവിളികളും പ്രയാസങ്ങളും നേരിടുന്നുണ്ട്. അതുകൊണ്ടുതന്നെ വകുപ്പ് കൈകാര്യം ചെയ്യുന്നത് മുള്ളുരീടം ധരിക്കുന്നത് പോലെയാണെന്ന് കരുതുന്നില്ല. ഇതൊരു വലിയ വെല്ലുവിളിയായി ഏറ്റെടുത്ത് മുന്നോട്ടു പോകുകയാണ്. വരും ദിവസങ്ങളിൽ മാറ്റങ്ങൾ വരുമെന്ന് വിശ്വസിക്കുന്നതായും അദ്ദേഹം പറഞ്ഞു.

പ്രതിസന്ധി മറികടക്കാൻ പൊതുജനങ്ങളുടെയും വ്യാപാരികളുടെയും പൂർണ്ണ സഹകരണം ആവശ്യമാണ്. രാത്രികാലങ്ങളിൽ അനാവശ്യമായി വൈദ്യുതി ഉപയോഗിക്കുന്നത് പരമാവധി ഒഴിവാക്കണമെന്നും വൈദ്യുതി മന്ത്രി സണ്ണി ജോസഫ് അഭ്യർത്ഥിച്ചു.

### Related Links & Sources
- [Original Story Source](https://malayorashabdam.truevisionnews.com/news/383060/kerala-power-crisis-minister-sunny-joseph-statement)