---
title: "ന്യൂമാഹിയിൽ വൻ MDMA വേട്ട: യുവതിയും യുവാവും അറസ്റ്റിൽ"
english_title: "New Mahe Huge MDMA Bust Woman And Man Arrested New Mahe State Drug Mafia Against Strong Actions Continuing Meanwhile New Mahe Huge Drug Bust Operation Toofan Part Police Conducted Lightning Check Deadly Drug MDMA Woman And Man Caught"
publisher: "malayorashabdam.in"
canonical_url: "https://malayorashabdam.truevisionnews.com/news/386570/new-mahe-mdma-bust-woman-man-arrested-operation-toofan-rubaida-ajmal"
published_at: "2026-10-11T15:01:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6acb57ac9b264_1000239352.jpg"
keywords: ["New Mahe Huge MDMA Bust Woman And Man Arrested", "New Mahe State Drug Mafia Against Strong Actions Continuing", "Thalassery Templegate Native Rubaida PK 34 Kozhikode Velam Native Ajmal VP 34 Caught Police Secret Information Basis"]
---

# ന്യൂമാഹിയിൽ വൻ MDMA വേട്ട: യുവതിയും യുവാവും അറസ്റ്റിൽ

> **Lead Summary:** **ന്യൂമാഹി: **സംസ്ഥാനത്ത് ലഹരിമരുന്ന് മാഫിയയ്‌ക്കെതിരെ ശക്തമായ നടപടികൾ തുടരുന്നതിനിടയിൽ, ന്യൂമാഹിയിൽ വൻ മയക്കുമരുന്ന് വേട്ട. ഓപ്പറേഷൻ തൂഫാന്റെ ഭാഗമായി പോലീസ് നടത്തിയ മിന്നൽ പരിശോധനയിലാണ് മാരക ലഹരിമരുന്നായ എംഡിഎംഎയുമായി യുവതിയും യുവാവും പിടിയിലായത്.

## Article Content

**ന്യൂമാഹി: **സംസ്ഥാനത്ത് ലഹരിമരുന്ന് മാഫിയയ്‌ക്കെതിരെ ശക്തമായ നടപടികൾ തുടരുന്നതിനിടയിൽ, ന്യൂമാഹിയിൽ വൻ മയക്കുമരുന്ന് വേട്ട. ഓപ്പറേഷൻ തൂഫാന്റെ ഭാഗമായി പോലീസ് നടത്തിയ മിന്നൽ പരിശോധനയിലാണ് മാരക ലഹരിമരുന്നായ എംഡിഎംഎയുമായി യുവതിയും യുവാവും പിടിയിലായത്.

തലശ്ശേരി ടെമ്പിൾഗേറ്റ് സ്വദേശി റുബൈദ പി.കെ. (34), കോഴിക്കോട് വേലം സ്വദേശി അജ്മൽ വി.പി. (34) എന്നിവരാണ് പിടിയിലായത്. പോലീസിന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ ന്യൂമാഹി അഴീക്കലിലെ ഒരു വാടക വീട് കേന്ദ്രീകരിച്ച് നടത്തിയ പരിശോധനയിലാണ് ഇവർ കുടുങ്ങിയത്.

ഇവിടെനിന്നും വിൽപനയ്ക്കായി സൂക്ഷിച്ചിരുന്ന 16.5838 ഗ്രാം എംഡിഎംഎ പോലീസ് പിടിച്ചെടുത്തു. പിടിയിലായ റുബൈദയ്‌ക്കെതിരെ തലശ്ശേരി, ന്യൂമാഹി, മട്ടന്നൂർ എന്നീ പോലീസ് സ്റ്റേഷനുകളിൽ ലഹരിമരുന്നുമായി ബന്ധപ്പെട്ട മുൻകാല കേസുകൾ നിലവിലുണ്ടെന്ന് പോലീസ് പറഞ്ഞു.

കണ്ണൂർ സിറ്റി പോലീസ് കമ്മീഷണർ ബി.വി. വിജയ ഭരത് റെഡ്ഡി ഐ.പി.എസിന്റെയും തലശ്ശേരി എ.എസ്.പി. നന്ദഗോപൻ എം.ഐ.പി.എസിന്റെയും ചൊക്ലി സി.ഐ. ഷാജു സി എന്നിവരുടെ മേൽനോട്ടത്തിൽ ന്യൂമാഹി പോലീസ് സ്റ്റേഷൻ എസ്.ഐ. രജിൻ രാജിന്റെ നേതൃത്വത്തിൽ എസ്.എ.മാരായ അഭിഷേക്, അനിൽകുമാർ, സി.പി.ഒ.മാരായ സുവിൻ, രചന, എന്നിവരും തലശ്ശേരി എ.എസ്.പി. സ്‌ക്വാഡും ഡാൻസാഫ് സ്‌ക്വാഡും അടങ്ങുന്ന സംഘമാണ് അന്വേഷണം നടത്തിയത്.

### Related Links & Sources
- [Original Story Source](https://malayorashabdam.truevisionnews.com/news/386570/new-mahe-mdma-bust-woman-man-arrested-operation-toofan-rubaida-ajmal)