---
title: "മാസപ്പടി കേസ്: സർക്കാരിന് ഒരു തിരിച്ചടിയും ഉണ്ടായിട്ടില്ല, എങ്ങനെ പ്രവർത്തിക്കണമെന്ന് സർക്കാരിന് അറിയാം: മന്ത്രി രമേശ് ചെന്നിത്തല"
english_title: "Thiruvananthapuram CMRL Exalogic Case Government No Setback Happened Home Minister Ramesh Chennithala"
publisher: "malayorashabdam.in"
canonical_url: "https://malayorashabdam.truevisionnews.com/news/387189/thiruvananthapuram-cmrl-exalogic-monthly-payment-case-no-setback-ramesh-chennithala"
published_at: "2026-10-15T13:51:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6ad08d4f9d297_1000240236.jpg"
keywords: ["CMRL Exalogic Monthly Payment Case", "No Setback Ramesh Chennithala", "Government No Setback", "How Work Government Knows"]
---

# മാസപ്പടി കേസ്: സർക്കാരിന് ഒരു തിരിച്ചടിയും ഉണ്ടായിട്ടില്ല, എങ്ങനെ പ്രവർത്തിക്കണമെന്ന് സർക്കാരിന് അറിയാം: മന്ത്രി രമേശ് ചെന്നിത്തല

> **Lead Summary:** **തിരുവനന്തപുരം: **സിഎംആർഎൽ എക്സാലോജിക് കേസിൽ സർക്കാരിന് ഒരു തിരിച്ചടിയും ഉണ്ടായിട്ടില്ലെന്ന് ആഭ്യന്തരമന്ത്രി രമേശ് ചെന്നിത്തല. എങ്ങനെ പ്രവർത്തിക്കണമെന്ന് സർക്കാരിന് അറിയാം. രാഷ്ട്രീയ വിരോധം തീർക്കുന്നത് സർക്കാരിന്റെ ലക്ഷ്യമല്ലെന്നും മാത്യു കുഴൽനാടന്റെ വിമർശനത്തിന് രമേശ് ചെന്നിത്തല മറുപടി നൽകി.

## Article Content

**തിരുവനന്തപുരം: **സിഎംആർഎൽ എക്സാലോജിക് കേസിൽ സർക്കാരിന് ഒരു തിരിച്ചടിയും ഉണ്ടായിട്ടില്ലെന്ന് ആഭ്യന്തരമന്ത്രി രമേശ് ചെന്നിത്തല. എങ്ങനെ പ്രവർത്തിക്കണമെന്ന് സർക്കാരിന് അറിയാം. രാഷ്ട്രീയ വിരോധം തീർക്കുന്നത് സർക്കാരിന്റെ ലക്ഷ്യമല്ലെന്നും മാത്യു കുഴൽനാടന്റെ വിമർശനത്തിന് രമേശ് ചെന്നിത്തല മറുപടി നൽകി.

സർക്കാറിന് ഒരുതരത്തിലും ഇക്കാര്യത്തിൽ തെറ്റ് സംഭവിച്ചിട്ടില്ലെന്നും പ്രാഥമിക അന്വേഷണം നടത്തി തീരുമാനിക്കേണ്ട കാര്യം തന്നെയാണ് ഇതെന്നും രമേശ് ചെന്നിത്തല വ്യക്തമാക്കി.

അനധികൃത സ്വത്ത് സമ്പാദന കേസിൽ ടോമിൻ ജെ തച്ചങ്കരിയുടെ ശിക്ഷ മരവിപ്പിച്ച സംഭവത്തിൽ കോടതിയിൽ നിന്ന് ജാമ്യം കിട്ടുന്നതിന് നമുക്ക് എന്ത് ചെയ്യാൻ പറ്റുമെന്നായിരുന്നു രമേശ് ചെന്നിത്തലയുടെ പ്രതികരണം. മാസപ്പടി കേസിൽ സിംഗിൾ ബെഞ്ച് ഉത്തരവിനെതിരെ നൽകിയ അപീൽ അനുമതി അപേക്ഷ ഡിവിഷൻ ബെഞ്ച് തള്ളുകയായിരുന്നു.

എഫ്ഐആർ രജിസ്റ്റർ ചെയ്യാൻ പ്രതികളെ കേൾക്കേണ്ടതില്ലെന്ന് കോടതി. പ്രാഥമിക അന്വേഷണം വേണമെന്ന സർക്കാർ വാദവും ഡിവിഷൻ ബെഞ്ച് അംഗീകരിച്ചില്ല.

തന്നെ കേൾക്കാതെയാണ് കേസ് എടുക്കാൻ സിംഗിൾ ബെഞ്ച് ഉത്തരവ് ഇട്ടത് എന്നായിരുന്നു പിണറായി വിജയന്റെ വാദം. അഴിമതി കേസിൽ FIR രജിസ്റ്റർ ചെയ്യാൻ പ്രതികളെ കേൾക്കണ്ടതില്ലെന്ന് ഡിവിഷൻ ബെഞ്ച് നിലപാട് എടുത്തു.

പ്രാഥമിക അന്വേഷണം നടത്തണമെന്ന് പറയാൻ പ്രതികൾക്ക് അവകാശമില്ല, എഫ്ഐആർ റദ്ദ് ചെയ്യാൻ പ്രതികൾക്ക് കോടതിയെ സമീപിക്കാം. സിംഗിൾ ബെഞ്ച് ഉത്തരവ് പ്രതികളുടെ അവകാശത്തെ ബാധിക്കുന്നില്ലെന്നും ഡിവിഷൻ വ്യക്തമാക്കി.

### Related Links & Sources
- [Original Story Source](https://malayorashabdam.truevisionnews.com/news/387189/thiruvananthapuram-cmrl-exalogic-monthly-payment-case-no-setback-ramesh-chennithala)