---
title: "വോട്ടർ പട്ടിക ക്രമക്കേട് ആരോപണം: ചർച്ചയ്ക്ക് തയ്യാറെന്ന് കേന്ദ്രo"
english_title: "Voter List Irregularities Allegation Amit Shah Parliament Special Session"
publisher: "malayorashabdam.in"
canonical_url: "https://malayorashabdam.truevisionnews.com/news/389609/"
published_at: "2026-10-31T13:35:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6ae5a17a4fd8a_images_(88).jpeg"
keywords: ["Voter List", "Amit Shah", "Parliament"]
---

# വോട്ടർ പട്ടിക ക്രമക്കേട് ആരോപണം: ചർച്ചയ്ക്ക് തയ്യാറെന്ന് കേന്ദ്രo

> **Lead Summary:** **ദില്ലി:** വോട്ടർ പട്ടിക ക്രമക്കേട് ആരോപണത്തിൽ ചർച്ചയ്ക്ക് തയ്യാറെന്ന് കേന്ദ്ര സർക്കാർ. പ്രത്യേക പാർലമെന്റ് സമ്മേളനം വിളിക്കാൻ തയ്യാറെന്ന് സർക്കാർ അറിയിച്ചു. ആരോപണം ഉന്നയിക്കപ്പെട്ട ഓരോ വിഷയത്തിലും ചർച്ചയ്ക്ക് സന്നദ്ധമെന്ന് ആഭ്യന്തര മന്ത്രി അമിത് ഷാ അറിയിച്ചു.

## Article Content

**ദില്ലി:** വോട്ടർ പട്ടിക ക്രമക്കേട് ആരോപണത്തിൽ ചർച്ചയ്ക്ക് തയ്യാറെന്ന് കേന്ദ്ര സർക്കാർ. പ്രത്യേക പാർലമെന്റ് സമ്മേളനം വിളിക്കാൻ തയ്യാറെന്ന് സർക്കാർ അറിയിച്ചു. ആരോപണം ഉന്നയിക്കപ്പെട്ട ഓരോ വിഷയത്തിലും ചർച്ചയ്ക്ക് സന്നദ്ധമെന്ന് ആഭ്യന്തര മന്ത്രി അമിത് ഷാ അറിയിച്ചു.

തെരുവിൽ അരാജകത്വത്തിന് ശ്രമിക്കാതെ രാഹുൽ ഗാന്ധി ചർച്ചയ്ക്ക് തയ്യാറാകണമെന്നും അദ്ദേഹം ആവശ്യപ്പെട്ടു. അതേസമയം മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിനെ പ്രതീകാത്മകമായി പുറത്താക്കുന്ന ഇന്ത്യ സഖ്യത്തിന്റെ പൊതുകുറ്റവിചാരണ ഇന്ന് നടക്കും.

ഇന്നത്തെ പൊതു കുറ്റവിചാരണയുടെ സമയക്രമത്തിൽ മാറ്റമുണ്ട്. രണ്ടരയ്ക്ക് എന്നാണ് ജയറാം രമേശ് അറിയിച്ചതെങ്കിൽ എഐസിസി അറിയിപ്പ് മൂന്നരയ്ക്ക് എന്നാണ്. ഇന്നലെ നടത്താനിരുന്ന പരിപാടി മഴ കാരണം മാറ്റിവച്ചെന്നായിരുന്നു വിശദീകരണം.

### Related Links & Sources
- [Original Story Source](https://malayorashabdam.truevisionnews.com/news/389609/)