---
title: "മുഖ്യമന്ത്രി സ്വയം കാര്യങ്ങൾ തീരുമാനിക്കുന്നു, ഒന്നും മന്ത്രിമാർ അറിയുന്നില്ല, ഒരാളിലേക്ക് ഭരണം കേന്ദ്രീകരിക്കുന്നത് ശരിയായ രീതിയില്ല: പിണറായി വിജയൻ"
english_title: "Thiruvananthapuram Artificial Power Shortage Created GNA Contract Move Judicial Inquiry Needed Repeated Opposition Leader Pinarayi Vijayan"
publisher: "malayorashabdam.in"
canonical_url: "https://malayorashabdam.truevisionnews.com/news/391176/artificial-power-shortage-gna-contract-judicial-inquiry-pinarayi-vijayan-kseb-loss-chief-minister"
published_at: "2026-11-11T14:48:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6af432e63c375_1000245723.jpg"
keywords: ["Artificial Power Shortage", "UDF Government", "Centralized Governance"]
---

# മുഖ്യമന്ത്രി സ്വയം കാര്യങ്ങൾ തീരുമാനിക്കുന്നു, ഒന്നും മന്ത്രിമാർ അറിയുന്നില്ല, ഒരാളിലേക്ക് ഭരണം കേന്ദ്രീകരിക്കുന്നത് ശരിയായ രീതിയില്ല: പിണറായി വിജയൻ

> **Lead Summary:** **തിരുവനന്തപുരം: **സംസ്ഥാനത്ത് കൃത്രിമ വൈദ്യുതി ക്ഷാമം സൃഷ്ടിച്ചുവെന്നും ജിഎന്‍എ കരാര്‍ നീക്കത്തില്‍ ജുഡീഷ്യല്‍ അന്വേഷണം വേണമെന്നും ആവര്‍ത്തിച്ച് പ്രതിപക്ഷ നേതാവ് പിണറായി വിജയന്‍. ഇതിലൂടെ കെഎസ്ഇബിക്ക് കോടികളുടെ നഷ്ടമുണ്ടാകുമായിരുന്നെന്നും ലാഭകരമാണെന്ന് മുഖ്യമന്ത്രി മാത്രമേ പറയൂ എന്നും പിണറായി വിജയന്‍ പറഞ്ഞു.

## Article Content

**തിരുവനന്തപുരം: **സംസ്ഥാനത്ത് കൃത്രിമ വൈദ്യുതി ക്ഷാമം സൃഷ്ടിച്ചുവെന്നും ജിഎന്‍എ കരാര്‍ നീക്കത്തില്‍ ജുഡീഷ്യല്‍ അന്വേഷണം വേണമെന്നും ആവര്‍ത്തിച്ച് പ്രതിപക്ഷ നേതാവ് പിണറായി വിജയന്‍. ഇതിലൂടെ കെഎസ്ഇബിക്ക് കോടികളുടെ നഷ്ടമുണ്ടാകുമായിരുന്നെന്നും ലാഭകരമാണെന്ന് മുഖ്യമന്ത്രി മാത്രമേ പറയൂ എന്നും പിണറായി വിജയന്‍ പറഞ്ഞു.

വിചിത്രമായ നടപടികള്‍ ആണ് ഇപ്പോള്‍ കേരളത്തിലെ യുഡിഎഫ് സര്‍ക്കാര്‍ എടുക്കുന്നത്. എല്ലാത്തിനും വകുപ്പുകള്‍ ഉണ്ട്. എന്നാല്‍ ആ വകുപ്പുകള്‍ ഒന്നും അറിയുന്നില്ല. ഇങ്ങനെ ഒരു അവസ്ഥ കേരളത്തില്‍ ഇത് വരെ ഉണ്ടായിട്ടുണ്ടോയെന്നും അദ്ദേഹം കൂട്ടിച്ചേര്‍ത്തു.

ഒരാളിലേക്ക് ഭരണം കേന്ദ്രീകരിക്കുന്നത് ശരിയായ രീതിയല്ലെന്നും പിണറായി വിജയന്‍ പറഞ്ഞു. ജിഎന്‍എ കരാര്‍ ലാഭമെന്ന് പറഞ്ഞത് മുഖ്യമന്ത്രി മാത്രമാണ്. കരാര്‍ നഷ്ടം ചെയ്യുമെന്ന് കെഎസ്ഇബിയും വകുപ്പ് മന്ത്രിയും പറഞ്ഞിരുന്നു.

ഏത് കണക്കിന്റെ അടിസ്ഥാനത്തിലാണ് മുഖ്യമന്ത്രി ലാഭകരമാണെന്ന് പറഞ്ഞതെന്ന് പ്രതിപക്ഷ നേതാവ് ചോദിച്ചു. കുത്തകകള്‍ക്ക് വേണ്ടി കൃത്രിമ വൈദ്യുതി ക്ഷാമം സൃഷ്ടിക്കാന്‍ ശ്രമിക്കുന്നുവെന്നും അദ്ദേഹം ആഞ്ഞടിച്ചു.

### Related Links & Sources
- [Original Story Source](https://malayorashabdam.truevisionnews.com/news/391176/artificial-power-shortage-gna-contract-judicial-inquiry-pinarayi-vijayan-kseb-loss-chief-minister)