---
title: "കണ്ണൂർ വിമാനത്താവളത്തിൽ വൻ സ്വർണ്ണവേട്ട; 1.74 കോടി രൂപയുടെ സ്വർണ്ണവുമായി മലപ്പുറം സ്വദേശി പിടിയിൽ"
english_title: "Kannur Airport Gold Seizure 1.74 Crore Gold Malappuram Native Mohammed Shabeer Arrested DRI Air India Express Abu Dhabi"
publisher: "malayorashabdam.in"
canonical_url: "https://malayorashabdam.truevisionnews.com/news/391998/kannur-airport-gold-seizure-1-74-crore-malappuram-native-arrested-dri"
published_at: "2026-11-17T15:23:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6afc2420e9795_1000247059.jpg"
keywords: ["gold seizure", "Kannur", "Air India Express", "gold smuggling"]
---

# കണ്ണൂർ വിമാനത്താവളത്തിൽ വൻ സ്വർണ്ണവേട്ട; 1.74 കോടി രൂപയുടെ സ്വർണ്ണവുമായി മലപ്പുറം സ്വദേശി പിടിയിൽ

> **Lead Summary:** **മട്ടന്നൂർ : **നീണ്ട ഇടവേളയ്ക്ക് ശേഷം കണ്ണൂർ അന്താരാഷ്ട്ര വിമാനത്താവളത്തിൽ വീണ്ടും വൻ സ്വർണ്ണവേട്ട. ഡയറക്ടറേറ്റ് ഓഫ് റവന്യൂ ഇന്റലിജൻസ് (ഡി.ആർ.ഐ) നടത്തിയ പരിശോധനയിലാണ് 1.74 കോടി രൂപ വിലമതിക്കുന്ന 1.27 കിലോ സ്വർണ്ണം പിടികൂടിയത്. സംഭവത്തിൽ മലപ്പുറം സ്വദേശിയായ മുഹമ്മദ് ഷബീറിനെ ഉദ്യോഗസ്ഥർ കസ്റ്റഡിയിലെടുത്തു.

## Article Content

**മട്ടന്നൂർ : **നീണ്ട ഇടവേളയ്ക്ക് ശേഷം കണ്ണൂർ അന്താരാഷ്ട്ര വിമാനത്താവളത്തിൽ വീണ്ടും വൻ സ്വർണ്ണവേട്ട. ഡയറക്ടറേറ്റ് ഓഫ് റവന്യൂ ഇന്റലിജൻസ് (ഡി.ആർ.ഐ) നടത്തിയ പരിശോധനയിലാണ് 1.74 കോടി രൂപ വിലമതിക്കുന്ന 1.27 കിലോ സ്വർണ്ണം പിടികൂടിയത്. സംഭവത്തിൽ മലപ്പുറം സ്വദേശിയായ മുഹമ്മദ് ഷബീറിനെ ഉദ്യോഗസ്ഥർ കസ്റ്റഡിയിലെടുത്തു.

അബുദാബിയിൽ നിന്നും എത്തിയ എയർ ഇന്ത്യ എക്സ്പ്രസ് വിമാനത്തിലെ യാത്രക്കാരനായിരുന്നു മുഹമ്മദ് ഷബീർ. രഹസ്യവിവരത്തിന്റെ അടിസ്ഥാനത്തിൽ ഡി.ആർ.ഐ ഉദ്യോഗസ്ഥർ ഇയാളെ തടഞ്ഞുനിർത്തി പരിശോധിച്ചപ്പോഴാണ് അടിവസ്ത്രത്തിലും ജീൻസിലും ഒളിപ്പിച്ച നിലയിൽ സ്വർണ്ണം കണ്ടെത്തിയത്.

കണ്ണൂർ വിമാനത്താവളം പ്രവർത്തനം ആരംഭിച്ചതിന് ശേഷം ഇതുവരെ 366 കേസുകളിലായി ആകെ 332.004 കിലോ സ്വർണ്ണമാണ് വിവിധ ഏജൻസികൾ പിടികൂടിയിട്ടുള്ളത്. പ്രതിയെ കൂടുതൽ ചോദ്യം ചെയ്തുവരികയാണ്. സ്വർണ്ണക്കടത്തിന് പിന്നിൽ വലിയ സംഘമുണ്ടോ എന്നും ഉദ്യോഗസ്ഥർ അന്വേഷിക്കുന്നുണ്ട്.

### Related Links & Sources
- [Original Story Source](https://malayorashabdam.truevisionnews.com/news/391998/kannur-airport-gold-seizure-1-74-crore-malappuram-native-arrested-dri)