---
title: "സരൾ ബില്ലിനെതിരെ കേരള സ്റ്റേറ്റ് കർഷക തൊഴിലാളി യൂണിയന്റെ നേതൃത്വത്തിൽ താലൂക്ക് ഓഫീസുകളിലേക്ക് മാർച്ച്"
english_title: "Saral Bill Protest Kerala State Karshaka Thozhilali Union Taluk Office March Kannur K Damodaran Paddy Fields Wetlands Protection"
publisher: "malayorashabdam.in"
canonical_url: "https://malayorashabdam.truevisionnews.com/news/392163/saral-bill-protest-karshaka-thozhilali-union-taluk-office-march-kannur"
published_at: "2026-11-18T16:59:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6afd8c38971cf_1000247374.jpg"
keywords: ["Saral Bill protest Kerala", "Kannur taluk office march", "wetlands protection"]
---

# സരൾ ബില്ലിനെതിരെ കേരള സ്റ്റേറ്റ് കർഷക തൊഴിലാളി യൂണിയന്റെ നേതൃത്വത്തിൽ താലൂക്ക് ഓഫീസുകളിലേക്ക് മാർച്ച്

> **Lead Summary:** **കണ്ണൂർ : **സംസ്ഥാന സർക്കാർ പുതുതായി കൊണ്ടുവന്ന സരൾ ബില്ലിനെതിരായ പ്രക്ഷോഭങ്ങളുടെ ഭാഗമായി കേരള സ്റ്റേറ്റ് കർഷക തൊഴിലാളി യൂണിയന്റെ നേതൃത്വത്തിൽ സംസ്ഥാനത്തെ താലൂക്ക് ഓഫീസുകളിലേക്ക് മാർച്ച് നടത്തി. കണ്ണൂർ ജില്ലയിൽ അഞ്ച് താലൂക്ക് ഓഫീസുകളിലേക്കാണ് മാർച്ച് നടന്നത്. സരൾ ബിൽ പിൻവലിക്കുക, നെൽവയലുകളും തണ്ണീർത്തടങ്ങളും സംരക്ഷിക്കുക എന്നീ മുദ്രാവാക്യങ്ങൾ ഉയർത്തിയാണ് മാർച്ച് നടത്തിയത്.

## Article Content

**കണ്ണൂർ : **സംസ്ഥാന സർക്കാർ പുതുതായി കൊണ്ടുവന്ന സരൾ ബില്ലിനെതിരായ പ്രക്ഷോഭങ്ങളുടെ ഭാഗമായി കേരള സ്റ്റേറ്റ് കർഷക തൊഴിലാളി യൂണിയന്റെ നേതൃത്വത്തിൽ സംസ്ഥാനത്തെ താലൂക്ക് ഓഫീസുകളിലേക്ക് മാർച്ച് നടത്തി. കണ്ണൂർ ജില്ലയിൽ അഞ്ച് താലൂക്ക് ഓഫീസുകളിലേക്കാണ് മാർച്ച് നടന്നത്. സരൾ ബിൽ പിൻവലിക്കുക, നെൽവയലുകളും തണ്ണീർത്തടങ്ങളും സംരക്ഷിക്കുക എന്നീ മുദ്രാവാക്യങ്ങൾ ഉയർത്തിയാണ് മാർച്ച് നടത്തിയത്.

കണ്ണൂർ താലൂക്ക് ഓഫീസിലേക്ക് നടത്തിയ മാർച്ച് ജില്ലാ പ്രസിഡണ്ട് കെ ദാമോദരൻ മാസ്റ്റർ ഉദ്ഘാടനം ചെയ്തു. യോഗത്തിൽ അദ്ദേഹം അധ്യക്ഷത വഹിച്ചു. സരൾ ബിൽ നടപ്പിലായാൽ നെൽവയലുകളും തണ്ണീർത്തടങ്ങളും വൻതോതിൽ നികത്തപ്പെടുമെന്നും കാർഷിക മേഖലയും കർഷക തൊഴിലാളികളുടെ ജീവിതവും പ്രതിസന്ധിയിലാകുമെന്നും അദ്ദേഹം പറഞ്ഞു. ബിൽ ഉടൻ പിൻവലിക്കണമെന്ന് അദ്ദേഹം ആവശ്യപ്പെട്ടു.

മാർച്ചിൽ പി രമേശ് ബാബു, പി ഭാസ്കരൻ, കെ വത്സല തുടങ്ങിയവർ സംസാരിച്ചു. ജില്ലയിലെ മറ്റ് താലൂക്ക് കേന്ദ്രങ്ങളിലും പ്രവർത്തകരുടെ നേതൃത്വത്തിൽ പ്രതിഷേധ മാർച്ചും യോഗവും നടന്നു. സർക്കാർ ബിൽ പിൻവലിക്കുന്നതുവരെ പ്രക്ഷോഭം തുടരുമെന്ന് യൂണിയൻ നേതാക്കൾ വ്യക്തമാക്കി.

### Related Links & Sources
- [Original Story Source](https://malayorashabdam.truevisionnews.com/news/392163/saral-bill-protest-karshaka-thozhilali-union-taluk-office-march-kannur)