കൊളക്കാട്: സിപിഐഎം 24 ആം പാർട്ടി കോൺഗ്രസിന്റെ മുന്നോടിയായുള്ള സിപിഎം പേരാവൂർ ഏരിയ കമ്മിറ്റിയുടെ കീഴിലുള്ള സിപിഐഎം കൊളക്കാട് ലോക്കൽ സമ്മേളനം സമാപിച്ചു. രണ്ടുദിവസങ്ങളായി നെടുംപുറംചാലിൽ നടന്ന ലോക്കൽ സമ്മേളനത്തിൽ കെ എ ബഷീറിനെ ലോക്കൽ സെക്രട്ടറിയായി തിരഞ്ഞെടുത്തു. ലോക്കൽ സമ്മേളനത്തിന്റെ ഭാഗമായി നെടുംപുറംചാലിൽ പ്രകടനവും പൊതുയോഗവും നടന്നു. യോഗം സിപിഐഎം ജില്ലാ സെക്രട്ടറിയേറ്റ് അംഗം ബി ഹരീന്ദ്രൻ ഉദ്ഘാടനം ചെയ്തു. കെ എ ബഷീർ അധ്യക്ഷത വഹിച്ചു. വി ജി പത്മനാഭൻ ജിമ്മി അബ്രഹാം പി വി പ്രഭാകരൻ തുടങ്ങിയവർ സംസാരിച്ചു.
CPM Kolakkad Local Conference Concludes
