തൃശൂർ: തീയേറ്റർ നടത്തിപ്പുകാരനെ ഗുണ്ടാസംഘം ആക്രമിച്ചു. തൃശൂരിലെ രാഗം തീയേറ്റർ ഉടമ സുനിലിനെയാണ് മൂന്നംഗ ഗുണ്ടാസംഘം കുത്തിപ്പരിക്കേൽപ്പിച്ചത്. വെളപ്പായയിലെ വീടിന് സമീപമായിരുന്നു സംഭവം. ക്വട്ടേഷൻ ആക്രമണമാണെന്ന് പൊലീസ് അറിയിച്ചു.വീടിന്റെ ഗേറ്റ് തുറക്കാനായി ഡ്രൈവർ അനീഷ് കാറിൽ നിന്ന് ഇറങ്ങി. ഈ സമയം കാറിലുണ്ടായിരുന്ന സുനിലിനെ ഗുണ്ടകൾ ആക്രമിക്കുകയായിരുന്നു. കാലിനാണ് പരിക്കേറ്റത്. തടയാൻ ശ്രമിച്ച അനീഷിനും പരിക്കേറ്റു. അക്രമികൾ കാറിന്റെ ചില്ലും തകർത്തു. സാമ്പത്തിക ഇടപാടിനെ ചൊല്ലിയുള്ള തർക്കമാണ് ആക്രമണത്തിന് പിന്നിലെന്നാണ് സൂചന.
Ragam theater owner attacked by criminals
