.jpeg)
കോഴിക്കോട്: പശ്ചിമേഷ്യയിലെ യുദ്ധഭീതി താത്ക്കാലികമായി ഒഴിഞ്ഞതോടെ കുതിപ്പ് തുടർന്ന് സ്വർണവില. പവന് 600 രൂപ കൂടി 1,12,200 രൂപയായി. ഗ്രാമിന് 75 രൂപ വർധിച്ച് 14,025 രൂപയുമായി.
ഇറാൻ യുദ്ധത്തിൽ താത്ക്കാലിക വെടിനിർത്തൽ പ്രാബല്യത്തിലെത്തിയതിന് പിന്നാലെ കഴിഞ്ഞ ദിവസം സ്വർണവിലയിൽ നേരിയ കുറവ് രേഖപ്പെടുത്തിയിരുന്നു. ഇന്നലെ, ഏപ്രിൽ 9-ന് 1,11,600 രൂപയായിരുന്നു വിപണിയിൽ സ്വർണവില. വെടിനിർത്തലിന് പിന്നാലെ അസംസ്കൃത എണ്ണവില വൻതോതിൽ ഇടിയുകയും ചെയ്തിരുന്നു. ബ്രെന്റ് ക്രൂഡ് ഓയിലിന് കഴിഞ്ഞ ദിവസം മാത്രം 13 ശതമാനത്തിലേറെ കുറഞ്ഞ് 94 ഡോളർ എന്ന നിലയിലേക്കെത്തിയിരുന്നു.
പശ്ചിമേഷ്യൻ സംഘർഷം അതിരൂക്ഷമായി തുടരുന്നതിനിടെ സ്വർണവില വൻ കുതിപ്പ് നടത്തിയിരുന്നെങ്കിലും പിന്നീട് അസംസ്കൃത എണ്ണവില ഉയർന്നതോടെ സ്വർണം ഇടിയുകയായിരുന്നു. ഒരു ഘട്ടത്തിൽ ലക്ഷത്തിനും താഴേക്ക് പോയ ശേഷമാണ് വീണ്ടും ഉയർന്നത്.
Goldrate
.jpeg)
.jpeg)
