കേളകം : കനത്ത വേനൽ മഴയിൽ കേളകം പഞ്ചായത്തിലെ വെണ്ടേക്കും ചാലിലെ ചെങ്കൽ ക്വാറിയിൽ നിന്നും കത്തി ഒഴുകിയെത്തുന്ന ചെളിവെള്ള പ്രവാഹം സമീപവാസികൾക്കും യാത്രക്കാർക്കും ഭീഷണിയാവുന്നു. ചെങ്കൽ പണയിൽ നിന്നും ഉരുൾപൊട്ടലിന് സമാനമായി ചെളിവെള്ളം ഒഴുകിയെത്തുന്നത് സമീപത്തെ അടക്കാത്തോട് - ഇരട്ടത്തോട് റോഡിലേക്കാണ്. പാതയിൽ മണ്ണും വെള്ളവും ഒഴുകിയെത്തുന്നത് മൂലം ഇരുചക്രവാഹനങ്ങൾക്കും യാത്ര ദുരിതമായി. പൊടിപടലങ്ങൾ പടർന്ന് മുമ്പ് ദുരിതമുണ്ടായപ്പോൾ സമീപവാസികൾ കേളകം ഗ്രാമ പഞ്ചായത്തിലും, പോലീസ്, വില്ലേജ് അധികൃതർക്കും പരാതി നൽകിയിട്ടും ഫലമുണ്ടായില്ലെന്ന് സമീപവാസികൾ പറയുന്നു .പ്രശ്നത്തിന് പരിഹാരമുണ്ടാക്കാൻ കേളകം പഞ്ചായത്ത് -പോലീസ്-റവന്യൂ അധികൃതർ നടപടിയുണ്ടായില്ലെങ്കിൽ ശക്തമായ ജനകീയ പ്രതിഷേധത്തിനൊരുങ്ങുകയാണ് പ്രദേശവാസികളും നാട്ടുകാരും.
Kelakom
