മേപ്പാടി: ഡോ. മൂപ്പൻസ് മെഡിക്കൽ കോളേജിലെ പൂർവ്വ വിദ്യാർത്ഥികളുടെ സംഗമം കോളേജ് ക്യാമ്പസിൽ നടന്നു. “റൂട്ട് ടു റൂട്സ്” എന്ന പേരിൽ സംഘടിപ്പിച്ച പരിപാടിയിൽ 2013 മുതൽ 2019 വരെയുള്ള അദ്ധ്യയന വർഷങ്ങളിൽ പ്രവേശനം നേടി പഠനം പൂർത്തിയാക്കിയ പൂർവ്വ വിദ്യാർത്ഥികൾ പങ്കെടുത്തു.മെഡിക്കൽ കോളേജ് പ്രിൻസിപ്പാൾ ഡോ. എലിസബത് ജോസഫിന്റെ അധ്യക്ഷതയിൽ നടന്ന പരിപാടി മെഡിക്കൽ കോളേജിന്റെ മുൻ ഡീൻ ഡോ. എ.പി. കാമത് ഉദ്ഘാടനം ചെയ്തു. മെഡിക്കൽ വിദ്യാർത്ഥികളുടെ പ്രതിനിധി മുഹമ്മദ് ഫാരിസ് സ്വാഗതം ആശംസിച്ചു.ചടങ്ങിൽ വൈസ് പ്രിൻസിപ്പാൾ ഡോ. പ്രഭു ഇ, അഡീഷണൽ മെഡിക്കൽ സൂപ്രണ്ട് ഡോ. അരുൺ അരവിന്ദ്, ഓപ്പറേഷൻസ് വിഭാഗം ഡിജിഎം ഡോ. ഷാനവാസ് പള്ളിയാൽ, പൂർവ്വ വിദ്യാർത്ഥികളെ പ്രതിനിധീകരിച്ച് ഡോ. ഫഹീം സി. ഹംസ എന്നിവർ ആശംസകൾ അറിയിച്ചു. നിരഞ്ജന എസ്. രാജ് നന്ദി പറഞ്ഞു.
Drmooppanscollege
.jpeg)
