കണ്ണൂർ: വൈജ്ഞാനിക- ജീവകാരുണ്യ മേഖലകളിൽ നിസ്തുല സേവനങ്ങളർപ്പിക്കുന്ന കണ്ണാടിപ്പറമ്പ് ദാറുൽഹസനാത്തിന്റെ മുഖ്യശിൽപിയും സ്ഥാപക പ്രസിഡൻറും കോളേജ് പ്രിൻസിപ്പലും ജില്ലാ നാഇബ് ഖാസിയും പ്രമുഖ പണ്ഡിതനുമായിരുന്ന സയ്യിദ് ഹാശിം ബാഅലവി കുഞ്ഞി തങ്ങളുടെ പന്ത്രണ്ടാം വഫാത്ത് വാർഷികത്തോടനുബന്ധിച്ച് അനുസ്മരണവും പ്രാർഥനാ സംഗമവും ജൂലൈ 04 ന് ശനിയാഴ്ച രാവിലെ 10.00 ന് ഹസനാത്ത് കാമ്പസിൽ നടക്കുമെന്ന് ഭാരവാഹികൾ വാർത്താ സമ്മേളനത്തിൽ അറിയിച്ചു.അനാഥ-അഗതികളുടെ സംരക്ഷണമടക്കം നിരവധി സാമൂഹിക ശാക്തീകരണ പ്രവർത്തനങ്ങൾക്ക് നേതൃത്വം നൽകിയ തങ്ങൾ കണ്ണൂർ ജില്ലയിൽ "സമസ്ത"കെട്ടിപ്പടുക്കുന്നതിനും ജനകീയ വൽക്കരിക്കുന്നതിനും മുന്നിലുണ്ടായിരുന്നു.അനുസ്മരണ പരിപാടിയിൽ പി.പി ഉമർ മുസ്ലിയാർ കൊയ്യോട്, സയ്യിദ് അസ്ലം തങ്ങൾ അൽ മശ്ഹൂർ,സയ്യിദ് അലി ബാഅലവി തങ്ങൾ, അബ്ദുറഹ്മാൻ കല്ലായി, ശരീഫ് ബാഖവി, അഡ്വ:അബ്ദുൽ കരീം ചേലരി, അഡ്വ:പി വി സൈനുദ്ദീൻ തുടങ്ങി പ്രമുഖ നേതാക്കളും സാദാത്തീങ്ങളും പങ്കെടുക്കും.വാർത്താസമ്മേളനത്തിൽ കബീർ കണ്ണാടിപ്പറമ്പ്, സി പി മായിൻ മാസ്റ്റർ, സി എൻ അബ്ദുറഹ്മാൻ, ഡോ.താജുദ്ദീൻ വാഫി, ഹസനവി റഫീഖ് ഹുദവി സംബന്ധിച്ചു.
Content Highlight: Hashimthangal
.jpeg)
