ഇരിട്ടി : ഒക്ടോബർ 2 ന് എടൂരിൽ നടക്കുന്ന തലശേരി അതിരൂപത മിഷ്യൻലീഗ് 66 മത് വാർഷികപരിപാടിയുടെ 101 അംഗ സംഘാടക സമിതി രൂപീകരിച്ചു . 2 ന് രാവിലെ 9ന് നടക്കുന്ന പ്രതിനിധി സമ്മേളനവും വാർഷിക ആഘോഷവും തലശേരി അതിരൂപത ആർച് ബിഷപ്പ് മാർ. ജോസഫ് പാംപ്ലാനി ഉദ്ഘാടനം ചെയ്യും . തുടർന്ന് രൂപതയിലെ 19 ഫൊറോനകളിലെ ഇടവകകളിൽ നിന്നും എത്തുന്ന വിദ്യാർത്ഥികൾ പങ്കെടുക്കുന്ന മെഗാ റാലിയും വിവിധ കലാപരിപാടികളും നടക്കും . എടൂരിൽ പാരിഷ് ഹാളിൽ നടന്ന സംഘാടക സമിതി യോഗം സെന്റ് മേരീസ് ആർക്കി എപ്പിസ്കോപ്പൽ ഫൊറോനാ വികാരി ഫാ. തോമസ് വടക്കേമുറിയിൽ ഉദ്ഘാടനം ചെയ്തു . മിഷ്യൻലീഗ് അതിരൂപത പ്രസിഡൻറ് ഷിജോ സ്രായിൽ അധ്യക്ഷത വഹിച്ചു . മിഷ്യൻലീഗ് എടൂർ മേഖല കോഡിനേറ്റർ ഫാ. ജിതിൻ വയലുങ്കൽ ,ഫാ. മനോജ് കൊച്ചുപുരയ്ക്കൽ , ഫാ. അഭിലാഷ് ചെല്ലംകോട്ട് , കെ സി വൈ എം എടൂർ മേഖല കോഡിനേറ്റർ ഫാ. അലക്സ് നിരപ്പേൽ , ഫാ. മെൽബിൻ തെങ്ങുംപള്ളി ,സോജൻ കൊച്ചുമല , സി.ജെ. ജോസഫ് എന്നിവർ പ്രസംഗിച്ചു . ഇരിട്ടി റീജനിലെ വിവിധഇടവകകളിൽ നിന്നും സിസ്റ്റേഴ്സ് മതബോധ അധ്യാപകർ , മിഷ്യൻലീഗ് ഭാരവാഹികൾ എടൂർ ഇടവകയിലെ കൈക്കാരൻമാർ , വിവിധ ഭാരവാഹികൾ എന്നിവർ സംഘാടക സമിതി യോഗത്തിൽ പങ്കെടുത്തു .
Missionleague
.jpeg)
.jpeg)
_(17).jpeg)
