ഇരിട്ടി : ഇരിട്ടി കൂട്ടുപുഴ റോഡിൽ പോലീസ് സ്റ്റേഷന് സമീപം ഓട്ടോറിക്ഷയും കാറും കൂട്ടിയിടിച്ച് അപകടം . ഇന്നലെ രാത്രി 8.30 ഓടെ ആയിരുന്നു അപകടം . ഇരിട്ടി ഭാഗത്തുനിന്നും വന്ന കാറും വള്ളിത്തോട് ഭാഗത്തുനിന്നും ഇരിട്ടിയിലേക്ക് യാത്രക്കാരുമായി വന്ന ഓട്ടോറിക്ഷയും ഇരിട്ടി പോലീസ് സ്റ്റേഷന് മുന്നിൽ വെച്ച് കൂട്ടിയിടിക്കുക ആയിരുന്നു . ഓട്ടോറിക്ഷയിലെ ഡ്രൈവർ ഉൾപ്പെടെ മൂന്ന് പേർക്കാണ് ഗുരുതരായി പരിക്കേറ്റു . മുണ്ടയാംപറമ്പ് സ്വദേശികളായ സനിൽ കുമാർ (44), സുജിത്ത് (41), ഓട്ടോറിക്ഷ ഡ്രൈവർ സജീഷ് (30)എന്നിവർക്കാണ് പരിക്കേറ്റത് . തലക്ക് ഉൾപ്പെടെ പരിക്കേറ്റ ഇവരെ കണ്ണൂരിലെ സ്വകാര്യ ആശുപത്രിയിൽ പ്രവേശിപ്പിച്ചു . തലക്ക് പരിക്കേറ്റ സനിൽ കുമാർ ഐ സി യു വിൽ ചികിത്സയിലാണ് . സുജിത്തിന് മുഖത്തിനും താടിയെല്ലിനുമാണ് പരിക്കേറ്റത് . ഡ്രൈവർ സജീഷിന്റെ പരിക്ക് കാലിനാണ് . തുടയെല്ലിന് പൊട്ടൽ സംഭവിച്ചിട്ടുണ്ട് . അമിത വേഗതയിൽ വന്ന കാർ ഓട്ടോറിക്ഷയിലേക്ക് ഇടിച്ചു കയറുക ആയിരുന്നു എന്നാണ് പരിക്കേറ്റവരുടെ ബന്ധുക്കൾ നൽകുന്ന വിവരം . കാറിൽ ഉണ്ടയിരുന്നവർ പരിക്കേൽക്കാതെ രക്ഷപെട്ടു . മുണ്ടയാംപറമ്പ് വാഴയിൽ സ്വദേശിയുടേതാണ് അപകടത്തിൽ പെട്ട കാർ . ഇലട്രിഷ്യൻമാരായ സനിൽ കുമാറും , സുജിത്തും കോയമ്പത്തൂരിലേക്ക് പോകുവാനായി ഇരിട്ടിയിലേക്കുള്ള യാത്രക്ക് ഇടയിലാണ് അപകടം .
Caraccident
